Sumqayıt Dövlət Universitetində magistrantların XXII Respublika elmi konfransı keçirilib. Sumqayıt24 bu barədə universitetin saytına istinadən xəbər verir.
Onlayn formatda təşkil olunan konfransda qabaqcıl ali təhsil müəssisələrinin struktur rəhbərləri və professor-müəllim heyəti iştirak ediblər.
Rektor, professor Elxan Hüseynov konfransın əhəmiyyətindən bəhs edərək bildirib ki, artıq 22-ci ildir ki, magistrantların Respublika elmi konfransı Sumqayıt Dövlət Universitetində baş tutur. Onun sözlərinə görə, ötən il konfransda 19 Elm və təhsil müəssisələrindən 1200 nəfərdən çox magistrant iştirak edib, bu il isə 22 Elm və təhsil müəssisələrindən 1300-ə yaxın məruzə materialları daxil olub.
SDU-nun Doktorantura və Magistratura şöbəsinin müdiri dosent Sabir Xəlilov çıxışında konfransda ən mütəşəkkil iştirak edən universitetlərdən Sumqayıt Dövlət Universiteti - 287, Azərbaycan Dövlət İqtisad Universiteti - 258, Bakı Slavyan Universiteti - 199, Azərbaycan Dövlət Aqrar Universiteti - 159, Azərbaycan Dövlət Neft və Sənaye Universiteti - 117, Naxçıvan Dövlət Universiteti - 32 və digər Elm və təhsil müəssisələrinin adlarını açıqlayıb və bölmə iclaslarının işi barədə məlumat verib.
