Sumqayıtın bir çox məhəllələrində sınıq, qırıq və çürümüş oturacaqlar var. Bu barədə 4 noyabr tarixində Sumqayıt24 xəbər verir.
Sakinlər bu vəziyyətdə olan əldə düzəlmə oturacaqlardan istifadə etməli olurlar. Həmin oturacaqların 30-40, bəzilərinin isə daha çox yaşı var. İnsanlar onları özü rəngləyib, təmir ediblər, aşma təhlükəsi ilə üzləşənləri məcburən ağaca mismarlayıblar. Bu isə gənclik şəhərinin görünüşünə xələl gətirir.
Mənzil kommunal təsərrüfatı istehsalat birliyinin baş mühəndisi Rövşən Fərəcov AzTV-yə açıqlama verib. O bildirib ki, son 7 ildə təxminən 3 min oturacaq yenilənib və bu istiqamətdə işlər davam etdirilir. Cari ildə də ehtiyac olan yerlərdə bu problem həll ediləcək.
“Növbəti həftəyə nəzərdə tutmuşuq ki, hər bir mikrorayonu “beş-beş, on-on” oturacaqlarla təmin edək”, - deyə baş mühəndis əlavə edib.
[modula id="26391"]
