Sumqayıtda daha bir ərazidə antisanitar vəziyyət yaranıb.
Sumqayit24.az- a daxil olan məlumata görə, Baba Məmmədov adına tam orta məktəbin qarşısı zir-zibillə doludur.
Şikayətçilərin sözlərinə əsasən İnşaatçılar küçəsi 59 ünvanında zibil qutuları olmadığı üçün sakinlər 10 ildir ki, zibili bu əraziyə tökürlər.
“Bura məktəb ərazisi olduğu üçün uşaqlar ərazidə daimi hərəkət edirlər. Belə natəmiz şəraitdə oyanmaq, gəzmək onların sağlamlığına ciddi təsir göstərir”, - deyə şikayətçilərdən biri bildirib.
Vətəndaşlar aidiyyəti qurumlardan sözügedən ərazilərdə zibil qutularının təşkil edilməsini tələb edirlər.
