Sumqayıtda şagirdlər üçün “İlk yardım” üzrə təlim keçirilib. Sumqayıt24 bu haqda 10 iyun tarixində Qızıl Aypara Cəmiyyətinin Sumqayıt şəhər bölməsinə istinadən xəbər verir.
Fövqəladə Mobil Könüllü Dəstənin üzvləri tərəfindən təşkil olunan görüş 14 saylı məktəbdə baş tutub. Dəstənin bir qrup üzvü iştirakçılara tənəffüs yollarının tutulması, qanaxma, sınıqlar, yaralar, yanıqlar, huşsuz nəfəs alan və bərpa vəziyyəti barədə məlumat verərək, praktiki olaraq göstərib.
Sonda isə məktəbliləri maraqlandıran suallar cavablandırılıb.
