M.Ə. Sabir adına kitabxana filialında “Ürəyi vətən sevgisi ilə dolu cəsurlar” adlı tədbir təşkil edilib. Bu barədə 16 noyabr tarixində Sumqayıt24 xəbər verir.
“Hər şəhid bir zirvədir” lahiyəsi çərçivəsində keçirilən tədbirdə 39 saylı orta məktəbin 7-ci sinif şagirdləri iştirak ediblər. Filialın müdiri Miranə Allahverdiyeva onlara Vətən müharibəsi zamanı şəhid olan Daşqın Ağayev və Zaur Mədətovun şərəfli döyüş yolundan bəhs edib.
Sonda Ziba Hüseynova və Gülay Qasımlı hazırladıqları təqdimat ilə çıxış ediblər. Digər şagirdlər isə vətənpərvərlik mövzusunda şeirlər səsləndiriblər.
