Bülbül adına 2 nömrəli Uşaq İncəsənət məktəbinin müəllimi və şagirdləri paytaxda yerləşən muzeyləri ziyarət ediblər. Bu haqda bu gün, 7 iyun tarixində məktəbin Facebook hesabına istinadən xəbər veririk.
Şagirdlərimiz Azərbaycan Musiqi Mədəniyyəti Dövlət Muzeyi və Üzeyir Hacıbəylinin ev-muzeyində olub, eksponatlarla tanış olublar. Məktəblilər Azərbaycan milli musiqi alətləri olan tar, kamança, saz, dəf, qoşa nağara, zurna, ney, eləcə də əsa-tar, əsa-saz, habelə qramofonlar, patefonlar, qramofon valları haqda maraqlı faktlar öyrəniblər. Sonra gənclərə Azərbaycan peşəkar musiqi sənətinin banisi Üzeyir Hacıbəylinin, milli peşəkar vokal sənətinin banisi Bülbülün, görkəmli bəstəkarlardan Qara Qarayevin, Fikrət Əmirovun müəllif not əlyazmaları, musiqi xadimlərinin şəxsi əşyaları, afişalar, proqramlar, fotoşəkillər, təsviri incəsənət nümunələri, notlar və kitablar göstəilib.
Daha sonra şagirdlər 1975-ci ildə yaradılmış Üzeyir Hacıbəylinin ev-muzeyində də qonaq olublar. Sonda müəllim və şagirdlər muzeyin işçiləri ilə xatirə şəkli çəkdiriblər.
