Sumqayıtda 18 Oktyabr – Müstəqilliyin Bərpası Gününə həsr edilmiş esse yazı müsabiqəsinə start verilib. Bu haqda 11 oktyabr tarixində Sumqayıt24 Abşeron-Xızı Regional Gənclər və İdman İdarəsinə istinadən məlumat verir.
Konkurs 11-17 oktyabr tarixləri aralığında keçiriləcək. Müsabiqə Sumqayıt şəhər orta məktəblərinin 9-11-ci sinif şagirdləri arasında təşkil olunur.
İştirak etmək istəyən şagirdlər məktəb rəhbərliyinə müraciət edə bilərlər.
Məqsəd ümummilli lider Heydər Əliyev irsinin təbliği, gənclərin yaradıcılıq qabiliyyətinin və istedadlarının üzə çıxarılması və dəstəklənməsidir.
