Sumqayıt sakinləri paytaxtdan evlərinə qayıdan zaman çətinliklə üzləşiblər. Bu barədə 5 noyabr tarixində Sumqayıt24 xəbər verir.
Yol Polisi bir neçə gün öncə 20 Yanvar ərazisində reyd keçirib. Nəticədə “Saray yolu” ilə Sumqayıta gedən “manatlıq” maşınlar kənarlaşdırılıb. Bəzi sürücülər cərimə ediliblər.
Nəticədə yüzlərlə insan dünən axşam saatlarında evinə getmək üçün avtobus tapa bilməyib. Fürsətdən istifadə edən taksiçilər isə qiymətləri 5 manatadək qaldırıblar.
Dünənki izdihamı şahidlər belə təsvir ediblər:
“İnsanlar avtomobilə minə bilmək üçün yolun ortasında toplaşmışdılar. Bununla da özlərini təhlükəyə atırdılar. Şəhərdaxili avtobuslar dayanacaqda saxlamaq üçün yer tapa bilmirdi. Bu məsələ təcili olaraq həll edilməlidir. Heç olmasa gözləmək üçün ayrıca yer ayrılsa bizim üçün, avtobuslar da oranı dayanacaq kimi istifadə edər”.
