Sumqayıtda mərhum Əməkdar müəllim, şair Sevi Sevdimalıyevin 80 illik yubileyi qeyd olunub. Sumqayıt24 bu haqda 2 iyul tarixində DünyaTV-yə istinadən xəbər verir.
Əvvəlcə onun məzarı ziyarət olunub, önünə güllər düzülüb. Daha sonra, Qubadlı RİH və Yazıçılar Birliyi Qubadlı Regional Bölməsi tədbir təşkil edib. Qonaqlar Sevi Sevdimalıyevin həyat və yaradıcılığına həsr olunmuş videoçarxı izləyiblər.
Çıxış edən Qubadlı rayon icra başçısının müavini Allahverdi Haqverdiyev, YAP rayon təşkilatının sədri Təhmasib Rüstəmov və Yazıçılar birliyinin rayon regional bölməsinin rəhbəri Namiq Məna Əməkdar müəllimin şeirləri haqqında danışıblar.
Daha sonra, sözləri Sevdimalıyevə məxsus mahılar ifa olunub, şeirlər söylənilib.
