Sumqayıtda “Yayı kitabla keçirək” adlı layihə çərçivəsində nağıl saatı təşkil edilib. Bu barədə 23 avqust tarixində Sumqayıt Mərkəzi Uşaq Kitabxanasına istinadən xəbər veririk.
Tədbir S.Vurğun adına Mərkəzi kitabxana tərəfindən “Star Academy” tədris mərkəzində keçirilib. “Yeddi rəngli nağıl çələngim” adlı nağıl saatında kitabxananın baş mütəxəssisi Leyla Mahmudova Azərbaycanda yaşayan azsaylı xalqlar, onların tarixi, adət-ənənəsi, yüksək mənəvi-əxlaqi dəyərlərini özündə əks etdirən folklor nümunələri haqqında məlumat verib. Sonra o, “Cəsur qoyun” rus xalq nağılını, “Komble” gürcü xalq nağılını, “Dağ və siçan” avar xalq nağılını, “Çınqıdı-çınqıdı bala sərçə” ləzgi xalq nağılını, “Sirli dolça” talış xalq nağılını, “Üç öyüd” tatar xalq nağılını, “Leviafan, tülkü, bir də balıqlar” yəhudi xalq nağılını söyləyib, bu nağılların qəhrəmanları haqqında suallar verib. Verilən sualları körpə fidanlar həvəslə cavablandırıblar.
