S.Vurğun adına Mərkəzi Kitabxananın Uşaq şöbəsində “Könlünüz rahatdır torpaq altında” adlı qəhrəman günü keçirilib. Sumqayıt24 bu barədə 14 dekabr tarixində xəbər verir.
Tədbirdə 15 nömrəli orta məktəbin müəllim və şagirdləri iştirak ediblər. Uşaq şöbəsinin müdiri Yeganə Hüseynova kitabxanada ilk dəfə olan məktəblilərə müəssisənin fondu, kataloqu, kartotekası, oxu zalı və abonement şöbələri haqqında ətraflı məlumat verib. Daha sonra iştirakçılar “Balalara hədiyyə” adlı sərgi ilə tanış olublar. Oxu zalında davam edən yığıncaqda direktor Birinci Qarabağ və Vətən müharibələrinin qəhrəmanları haqqında geniş söhbət açıb.
