Sumqayıtda “Azərbaycanın kino salnaməsi” adlı kino saatı keçirilib. Bu haqda 3 avqust tarixində Sumqayıt Mərkəzləşdirilmiş Kitabxana Sisteminə istinadən xəbər veririk.
Azərbaycan Milli Kino Günü ilə əlaqədar təşkil olunan yığıncaq MKS-in Mərkəzi Uşaq Kitabxanasında baş tutub. Tədbiri giriş sözü ilə açan kitabxananın baş mütəxəssisi Leyla Mahmudova Azərbaycan kinosunun yaranma tarixindən, kinomuzun keçdiyi inkişaf yolundan bəhs edib. Burada Sabir Rüstəmxanlının "Ölüm zirvəsi" romanının motivləri əsasında, Rövşən Almuradlının rejissorluğu ilə çəkilən, Gəncə xanlığının sonuncu hökmdarı Cavad xana həsr olunan “Cavad xan” filminə baxış keçirilib. Film tədbir iştirakçılarında gözəl təəssüratlar yaradıb.
