Sumqayıtda yuxarı sinif şagirdləri ilə görüş keçirilib. Sumqayıt24 bu haqda bu gün, 3 iyun tarixində Abşeron - Xızı Regional Təhsil İdarəsinə istinadən xəbər verir.
Heydər Əliyev Mərkəzində baş tutan tədbirdə Memarlıq və İnşaat Universitetinin inşaat fakültəsinin dekanı Sahib Fərzəliyev, prorektor Orxan Naqdıyev, Abşeron-Xızı RTİ-nin şəhərimiz üzrə təhsil sektorunun müdiri Arzu Alızadə, təhsil işçiləri və digər qonaqlar iştirak ediblər.
Görüş zamanı I qrup ixtisası üzrə qəbul imtahanlarında iştirak etməyi planlaşdıran şagirdlər ilə söhbət aparılıb. Onlara xarici ölkələrdə təhsil, beynəlxalq ikili diplom proqramları, ali məktəbi bitirdikdən sonra karyera seçimi, universitetdə təşkil olunan yay düşərgələri haqda məlumatlar verilib.
Sonda iştirakçıları maraqlandıran suallar cavablandırılıb.
