“MİDA” MMC Sumqayıtla bağlı elan etdiyi açıq tenderə yekun vurub. Sumqayıt24 bu haqda 22 iyun tarixində Report.az-a istinadən xəbər verir.
Tender çoxmənzilli yaşayış binalarının kommunikasiya (elektrik enerjisi və su təchizatı, kanalizasiya) şəbəkəsinin tikintisi, ərazinin şaquli planlaşdırılması və abadlaşdırılması, yolların çəkilməsi, səkilərin yaradılmasını əhatə edirdi.
Tenderin qalibi olan “Enerji Qrup” və “Yar İnşaat Təmir Tikinti” MMC-lərdən ibarət konsorsiuma 9,014 milyon manat ödəniləcək.
