Yenilənib: saat 11:05
DİN-in Baş DYP İdarəsinin məlumatına əsasən, Murad Qocayevin idarə etdiyi “Ford” markalı, 29-BA-586 nömrəli mikroavtobus onunla eyni istiqamətdə hərəkətdə olan Ələddin Məmmədovun idarə etdiyi “DAF” markalı, 99-GJ-323 nömrəli yük avtomobilinin qoşqusu ilə toqquşub. Nəticədə mikroavtobusda olan sərnişinlərdən 6 nəfəri xəsarət alaraq Sumqayıt şəhər xəstəxanasına yerləşdirilib.
Qeyd edək ki, qəza saat 06:30 radələrində Bakı-Quba magistral yolunun Sumqayıt şəhəri ərazisindən keçən hissəsində baş verib.
Faktla bağlı araşdırma aparılır.
—————————————————————————————————————————–
Sumqayıtda 2 nəfərin xəsarət alması ilə nəticələnən yol qəzası baş verib. Bu haqda 9 mart tarixində Sumqayıt24 Fövqəladə Hallar Nazirliyinə (FHN) istinadən xəbər verir.
“Ford” markalı mikroavtobus və “DAF” markalı yük maşını toqquşub. Qəza zamanı 2 nəfər mikroavtobusda sıxılmış vəziyyətdə qalıb.
Hadisə yerinə FHN-nin müvafiq xilasetmə qüvvələri cəlb olunub. Həyata keçirilən tədbirlər nəticəsində 2 nəfər müxtəlif xəsarətlərlə zədələnmiş nəqliyyat vasitəsindən çıxarılaraq aidiyyəti üzrə təhvil verilib.
