Milli Mətbuat günü ilə əlaqədar Azərbaycan Televiziyasının operatoru şəhid Sirac Abışovun məzarı ziyarət edilib. Bu haqda bu gün, 22 iyul tarixində Yeni Azərbaycan Partiyasına (YAP) istinadən xəbər veririk.
Şəhidlər xiyabanında keçirilən tədbirdə Kəlbəcər rayonunda minaya düşərək şəhid olan Sirac Abışovun məzarı ziyarət olunub, üzərinə gül dəstələri düzülüb. Bundan əlavə “Qalib Əsgər” abidəsinin önündə güllər qoyulub.
Sirac Abışov şərəfli və məsuliyyətli xidməti vəzifəsinin icrası ilə əlaqədar işğaldan azad edilmiş Kəlbəcərə ezam olunmuş və orada tank əleyhinə minaya düşərək şəhidlik zirvəsinə ucalmışdır.
