Sumqayıtda Mirzə Fətəli Axundzadənin anadan olmasının 210 illik yubileyi münasibətilə tədbir keçirilib. Bu haqda bu gün, 30 iyun tarixində Regional Mədəniyyət İdarəsinə istinadən xəbər veririk.
Mərkəzləşdirilmiş Kitabxana Sisteminin Mərkəzi uşaq kitabxanasında “Ədəbiyyat tariximizin parlaq siması” adlı ədəbiyyat saatı keçirilib. Tədbir İngilis Dili Mərkəzinin müəllim və şagird kollektivinin iştirakı ilə təşkil edilib.
Tədbirdə Azərbaycan mədəniyyətinin inkişafı tarixində parlaq səhifə açan Mirzə Fətəli Axundzadənin həyat və yaradıcılığı haqqında danışılıb, ədibin kitabları haqqında xülasə verilib. Sonda milli dramaturgiyamızın banisi, görkəmli ictimai xadim və maarifçi Mirzə Fətəli Axundzadənin həyat və fəaliyyətini əks etdirən videoçarx nümayiş olunub.
