Bakı-Sumqayıt qatarlarında yaranmış gecikmənin səbəbi açıqlanıb. Bu barədə 17 noyabr tarixində Azərbaycan Dəmir Yollarına istinadən xəbər veririk.
Səhər saatlarında qatarın Sabunçu stansiyası istiqamətində getdiyi zaman kənar şəxslər idarəetmə tablosunu qidalandıran elektrik kabelinə müdaxilə ediblər. Xətdə qısaqapanma yaranıb, gərginlik kəsilib və hərəkət qrafikində gecikmələr baş verib. Problem tez bir zamanda çözülüb.
Əlavə olaraq, Güzdək istiqamətində yaranmış texniki nasazlıq Sumqayıt-Xırdalan-Bakı xətti üzrə hərəkət edən qatarın qrafikinə təsir edib. Nasazlıq qısa müddətdə aradan qaldırılıb.
Hər iki hadisə ilə bağlı müvafiq araşdırma aparılır.
