Sumqayıtda gənc qız naməlum şəxslər tərəfindən qaçırılıb. Bu barədə məlumat 25 avqust tarixində Sumqayıt24-ə daxil olub.
Hadisə dünən 20:00 radələrində, 10 və 12-ci mikrorayon arasında yerləşən yolda qeydə alınıb. Ağ rəngdə “VAZ 2107” markalı avtomobildən düşən şəxslər yolla gedən Nərmin Babayevanı (ad şərtidir) maşına zorla mindirərək oradan uzaqlaşıblar.
“Arxa oturacaqlarda qara şüşə var idi və içərisi görünmürdü. Qızı zorla arxa oturacağa saldı və özü də mindi. O, qışqıraraq yardım istəyirdi. Lakin orada olan insanlar görməzdən gəlirdilər. Bir müddət sonra oğlan arxa oturacaqdan düşdü və qabağa minərək sürüb getdi. Qızın səsini necəsə kəsmişdi. Qorxu və şokdan avtomobilin nömrəsini yadda saxlaya bilmədik”, - deyə şahidlər bildirir.
Qeyd edək ki, baş verənlərlə bağlı hüquq-mühafizə orqanlarına məlumat verilib.
