Sumqayıt Gənclər Evində “Narkomaniyaya yox deyək” mövzusunda tədbir keçirilib. Sumqayıt24 bu haqda 10 mart tarixində Sumqayitxeber.com-a istinadən xəbər verir.
Görüş Sumqayıt şəhər Polis İdarəsi tərəfindən təşkil olunub. İdarənin rəis müavini, polkovnik-leytenant Anar Əliyev narkomaniya əleyhinə keçirilən tədbirlərdən, görülən işlərdən söz açıb. O, gəncləri bu zərərli vərdişlərdən uzaq durmağa çağırıb.
Ağsaqqallar Şurasının sədri Təbrik Quliyev, Narkomaniya üzrə ekspert Emil Maqalov, Polis İdarəsinin İctimai təhlükəsizlik şöbəsinin Yetkinlik yaşına çatmayanlarla profilaktiki işin təşkili bölməsinin rəisi, mayor Azər Bağırov, Narkoloji dispanserin həkimi Vüsal Cabbarov və digər çıxış edənlər Azərbaycanda narkotik vasitələrə və bihuşedici maddələrə qarşı mübarizənin xeyli gücləndiyini bildiriblər. Bu sahəyə cavabdeh olan dövlət orqanları ilə yanaşı, QHT-lər, ictimai təşkilatların da fəallığını vurğulayıblar.
Sonda tələbələr və şagirdlərlə fikir mübadiləsi aparılıb, suallar cavablandırılıb.
