Qusarda narkotik vasitələrin qanunsuz dövriyyəsi ilə məşğul olan Sumqayıt şəhər sakini saxlanılıb. Bu barədə Sumqayıt24 Report-a DİN-nin Mətbuat Xidmətinin Quba regional qrupundan verilən məlumata əsasən xəbər verir.
Polis əməkdaşlarının keçirdikləri əməliyyat zamanı narkotik alverində şübhəli bilinən Sumqayıt şəhər sakini Elməddin Fərəcov saxlanılıb. Axtarış zamanı onun avtomobilində narkotik vasitə olan heroin aşkar edilib.
Faktla bağlı cinayət işi açılıb.
Bundan əvvəl, 23 sentyabr tarixində daha bir Sumqayıt sakini heroinlə saxlanılmışdır.
