Rəqəmsal inkişaf və nəqliyyat naziri Rəşad Nəbiyev qəbul keçirib. Sumqayıt24 bu haqda 14 dekabr tarixində xəbər verir.
Xırdalan Heydər Əliyev Mərkəzində nazir Sumqayıt şəhəri, Zəngilan, Qubadlı, Abşeron rayonlarının sakinləri ilə görüşüb. Onların nəqliyyat, telekommunikasiya, o cümlədən internet, teleradio yayımı və poçt xidmətləri ilə bağlı müraciətlərinə baxılıb.
Müraciətlərin araşdırılması üçün nazirliyin aidiyyəti qurumlarının rəhbərlərinə tapşırıqlar verilib. Qaldırılan problemlərin bir qismi dərhal həllini tapıb.
Rəqəmsal İnkişaf və Nəqliyyat Nazirliyinin fəaliyyət sahələrinə aid olmayan məsələlərlə bağlı müraciətlər isə qeydiyyata alınıb və müvafiq qurumlara göndəriləcək.
