Sumqayıtlı gənclər “Nərimanovu anırıq” adlı rəsm sərgisində iştirak ediblər. Bu haqda bu gün, 15 aprel tarixində Regional Mədəniyyət İdarəsinə istinadən xəbər veririk.
Məlumata əsasən, sərgi Bakı şəhəri Nəriman Nərimanovun Xatirə muzeyində keçirilib. Tədbir Nərimanovun anadan olmasının 152-ci ildönümünə həsr olunub. Bakı şəhəri Nəriman Nərimanovun Xatirə muzeyinin direktoru L.Hüseynova və N.Nərimanov adına Sumqayıt şəhər Mədəniyyət Mərkəzinin bədii rəhbəri Kifayət Quliyeva ictimai-siyasi xadimin həyatı və ədəbi yaradıcılığı, siyasi fəaliyyəti haqqında ətraflı məlumat veriblər.
Sumqayıt şəhər Mədəniyyət Mərkəzinin nəzdindəki rəsm dərnəyinin üzvləri əl işlərinə görə təşəkkürnamə, Fəxri fərman və hədiyyələrlə təltif olunublar.
