Sumqayıt şəhərinin ən böyük istirahət məkanı Nəsimi parkıdır. Lakin son dövrlər bu parkda iaşə obyektlərinin sayı durmadan artır. Bunun nəticəsində yaşıllıqlar zərər görür.
Bizim.Media-nın məlumatına görə, son günlərdə Nəsimi parkındakı yaşıllıq ərazidə yenidən qazıntı işlərinə başlanılıb. Sakinlər qazıntıların yaxınlıqdakı restoran sahibi tərəfindən aparıldığını bildirirlər. Təbii ki, bu da parka gələn insanlarda təəccüb və təəssüf hissi doğurur.
Məsələ ilə bağlı Sumqayıt şəhər İcra Hakimiyyətinə sorğu ünvanlanıb.
