Sumqayıtda yarımçıq təmir işləri ilə bağlı narazılıqlar yenə gündəmdədir.
Sumqayit24.az-a bu barədə 17-ci mikrorayon sakinləri məlumat veriblər.
Vətəndaşların sözlərinə görə, adıçəkilən ərazidə müəyyən qazıntı işləri aparılsa da, işlər yekunlaşdıqdan sonra sahə bərpa edilməyib. Bildirilib ki, iki həftədən çoxdur ərazidə heç bir iş görülmür.
Bildirilib ki, qazıntı aparılan ərazidə yaranmış vəziyyət xüsusilə yağışlı havalarda piyadaların hərəkətini çətinləşdirir.
Sakinlər aidiyyəti qurumlardan problemin aradan qaldırılmasını və ərazinin bərpa olunmasını istəyirlər.
Qeyd edək ki, redaksiyamız şəhərin müxtəlif ərazilərində yarımçıq qalan işlərlə bağlı vətəndaşların şikayətlərini mütəmadi işıqlandırır.
