Sumqayıtda yerləşən “New city” yaşayış kompleksinin sakinləri öz evlərinin sənədlərini ala bilmirlər. Bu haqda bu gün, 23 fevral tarixində Oxu.az-a istinadən xəbər veririk.
200 ailənin yaşadığı bu bina 4 il bundan əvvəl tikilib və 18-ci mikrorayonda yerləşir. Belə ki, illər keçsə də, burada yaşayan vətəndaşlar mənzillərinə aid çıxarışları əldə edə bilmirlər.
Yaranmış problemlə bağlı, yaşayış kompleksinin direktoru Fərman Şükürov sakinlərin şikayət etməsinə haqq qazandırıb.
Memarlıq və Şəhərsalma İdarəsinin mühəndisi Kənan Babayev MTK-nın onlara lazımi sənədi təqdim etmədiyini deyib:
“FHN-nin Tikintidə Təhlükəsizliyə Nəzarət Dövlət Agentliyindən onlara “İstismara hazırlıq aktı” verilib, lakin onlar bu sənədləri idarəyə təqdim etməyib. Bundan əlavə, MTK Dövlət Şəhərsalma Arxitektura Komitəsindən müvafiq 13 rəqəmli kodu əldə etməyib”.
