Nizami Gəncəvi adına Kitabxana klubunda təhsil alan gələcəyin gənc alimləri ilə görüş keçirilib. Bu haqda bu gün, 18 aprel tarixində Mədəniyyət Xəbərləri məlumat yayıb.
Məlumata əsasən, tədbirdə ölkəmizdə ilk dəfə Humanoid robotunu ixtira edən Azərbaycan Robot Olimpiadasında 1-ci yerin, Dünya Robot Olimpiadasında 13-cü yerin sahibi, 11-ci sinif şagirdi Amin Nəcəfli, əlil ev heyvanlarının protez ayaq hərəkətlərinin modelləşdirilməsi üzrə öz ixtirasını edən, “Sabahın alimləri” müsabiqəsində biologiya üzrə 3-cü yerin sahibi 10-cu sinif şagirdi Aysel Məmmədova, musiqidə riyaziyyatın rolu ixtirası ilə Bakı Mühəndislər Universitetinin təşkil etdiyi Qış Elm Festivalında riyaziyyat üzrə 1-ci yerin qalibləri, 11-ci sinif şagirdləri Calalova Jalə və Quliyeva Nilufər çıxış ediblər. Onlar öz ixtiraları barədə tədbir iştirakçılarına ətraflı məlumat veriblər.
Sonra şagirdlər “Elm və texnika aləmində” adlı sərgi ilə tanış olublar. Sonda məktəblilərə müxtəlif ixtiralarla bağlı hazırlanan videoçarx nümayiş olunub.
Alimlər Polad Həşimov adına 28 nömrəli məktəbdə təhsil alırlar.
