Sumqayıtda “Əmanətimiz şəhid övladları” adlı bayram şənliyi təşkil olunub. Bu haqda Millət vəkili Müşfiq Məmmədli Facebook hesabında xəbər verib.
Novruz bayramı münasibətilə təşkil edilən tədbir Nəriman Nərimanov adına Mədəniyyət Mərkəzində keçirilib. Şənlikdə Dədə Qorqud, Bahar qızı, Novruz personajları Kosa və Keçəl iştirak ediblər. Tədbirdə 154 nəfər şəhid və qazi övladına geyim və oyuncaqlar, həmçinin bayram sovqatları hədiyyə olunub.
Bayram şənliyi Sumqayıt Regional Mədəniyyət İdarəsinin təşkilatçılığı, Sumqayıt Şəhər İcra Hakimiyyətinin və Beynəlxalq Qadınlar Klubunun dəstəyi ilə keçirilib.
