Novxanı çimərliyində iki nəfərin dənizdə boğularaq öldüyü hadisənin təfərrüatı məlum olub.
Qafqazinfo.az-ın məlumatına görə, Novxanı-Pirşağı yolunun kənarındakı ictimai çimərlikdə baş verən hadisə vaxtı dənizdə boğulan yeniyetmələrdən birini DİN-in Daxili Qoşunlarının hərbi qulluqçusu xilas edib.
Belə ki, 22 yaşlı MAXE Rəvan Əliyev boğulmaqda olan 16 yaşlı Sənan Şamayevi xilas edib. O, digər yeniyetmə - 16 yaşlı Əli Cabbarovun xilas etmək istəyərkən hər ikisi suda boğulub.
Bildirilir ki, yeniyetmələr dənizə Sənanın atası ilə birgə olublar.
Faktla bağlı araşdırma aparılır.
