Novxanıda fəaliyyət göstərən, fiziki şəxs Zeynalova Sevda Nofel qızına məxsus içməli su istehsalı müəssisəsində uyğunsuzluq aşkarlanıb.
Sumqayit24.az xəbər verir ki, bu barədə AQTA məlumat yayıb.
Bildirilib ki, 19 litrlik sudan götürülmüş nümunənin müayinəsi nəticəsində nöqsan aşkar edilib.
Bununla əlaqədar müəssisədə keçirilmiş plandankənar yoxlama zamanı temperaturun monitorinqi və qeydiyyatının aparılmadığı, havalandırma sisteminin quraşdırılmadığı, texnoloji ardıcıllıq prinsipinin pozulduğu müəyyən edilib.
Aşkarlanmış uyğunsuzluq, eləcə də sanitar-gigiyenik və sanitar-texniki nöqsanlarla bağlı müəssisənin fəaliyyəti müvəqqəti dayandırılıb, rəhbəri barəsində inzibati protokol tərtib olunub. Araşdırmalar davam etdirilir.
