Özbəkistanlı iş adamları Sumqayıt şəhərinə səfər ediblər. Bu barədə 15 avqust tarixində scip.az-a istinadən xəbər veririk.
Qonaqlar Sumqayıt Kimya Sənaye Parkında görülmüş işlərlə tanış olublar. Daha sonra nümayəndə heyəti Gilan Tekstil Parkını ziyarət edib. İş adamlarına məlumat verilib ki, burada yüksək keyfiyyətli Azərbaycan pambığından dünya standartlarına cavab verən tekstil məhsullarının istehsalı həyata keçirilir. Tekstil Parkında İplik, Toxuma, Boyama və Tikiş fabrikləri fəaliyyət göstərir, müxtəlif növ parça, yataq dəstləri, yorğanlar, yastıqlar, eləcə də müxtəlif təyinatlı, oda və suya davamlı uniformalar, hərbi və xəstəxana geyimləri, xalatlar, hotellər üçün dəsmallar istehsal edilir.
Səfər İqtisadi Zonaların İnkişafı Agentliyi (İZİA) ilə Özbəkistanın biznes assosiasiyaları arasında imzalanmış əməkdaşlıq memorandumları əsasında təşkil olunub.
