Sumqayıtda özünü “İctimai Nəzarət Koalisiyası” İB-nin sədri kimi təqdim etdiyi üçün saxlanılan şəxs barəsində həbs qətimkan tədbiri seçilib. Bu haqda Report-a istinadən xəbər veririk.
Məlumata görə, Rasim Məmmədov Sumqayıt Şəhər Məhkəməsinin qərarı ilə 3 ay müddətində həbs olunub. Xatırladaq ki, o 2021-ci il sentyabrın 17-də “Azmetal” MMC-yə gəlib və səbəbsiz olaraq oranın direktor müavini Ramiz Hüseynovu söyüb, çölə çıxmasını tələb edib.
Hüseynov həyətə düşdükdən sonra təqsirləndirilən şəxs onu yenidən söyüb və əlindəki telefonla MMC-nin anbardarı Sabir İsmayılovun başına 3 dəfə zərbə vurub.
Bu səbəbdən polis araşdırma aparmış və Cinayət Məcəlləsinin müvafiq maddəsi ilə cinayət işi başlanılmışdır.
