Sumqayıtda kuryerə qarşı dələduzluq edilib. Bu barədə 28 noyabr tarixində Sumqayıt24 xəbər verir.
Hadisə noyabrın 26-sı, axşam saatlarında qeydə alınıb. Özünü Yol polisi idarəsinin əməkdaşı “Vüsal müəllim” kimi təqdim edən şəxs restoranların birindən kabab sifariş verir. Bundan əlavə, kuryerdən özü ilə 200 manat xırda pul gətirməsini xahiş edir.
Sifarişi 9-cu mikrorayon, bina 51-ə çatdıran kuryeri “müəllimin sürücüsü” qarşılayır. Ona polis vəsiqəsini təqdim edir. Sonra isə kababı, 200 manatı götürür və daha 100 manat pul istəyir.
“Haradasa 10 dəqiqə gözlədim. Sonra həmin şəxsdən mənə zəng gəldi. O, 7-ci mərtəbəyə qalxmağımı, əlavə sifarişin olacağını bildirdi. Mən liftə minən zaman isə onlar aşağı mərtəbələrdən piyada düşərək qaçdılar”, - deyə zərəçəkmiş qeyd edib.
Dələduzluqla bağlı hüquq-mühafizə orqanlarına müraciət ünvanlanıb. Qeyd edək ki, bu cur hal ilə digər vətəndaşlar da rastlaşıblar.
