Sumqayıtda qaz balonunun partlaması zamanı xəsarət alan qadının vəziyyəti ilə bağlı açıqlama verilib. Sumqayıt24 bu haqda 2 iyun tarixində BakuTV-yə istinadən xəbər verir.
Hadisə mayın 31-i Qurd dərəsində yerləşən yaşayış evində qeydə alınıb. Nəticədə yanıq xəsarətləri alan 53 yaşlı Sumqayıt sakini Yasəmən İskəndərova Təcili Tibbi Yardım xəstəxanasına çatdırılıb. Növbətçi həkim Rza Rzayevin sözlərinə görə, lazımi intensiv tədbirlər görüləndən sonra qadın Bakı şəhər Yanıq Mərkəzinə göndərilib. Ona 1-ci və 2-ci dərəcəli hermetik yanıq diaqnozu qoyulub.
Qeyd edək ki, hazırda Yasəmən İskəndərovanın vəziyyəti orta-ağırdır.
