Bakı-Sumqayıt yolunda yerləşən Abşeron Gənclər şəhərciyində baş verən partlayışda yaralanan 3 nəfərdən biri dünyasını dəyişib.
Oxu.az-ın məlumatına görə, hadisə iyulun 7-də qeydə alınıb. Günel Əliyevanın yaşadığı evdə qaz sızmasından partlayış baş verib. Bədəninin 50%-dən artıq hissəsi yanan 49 yaşlı Novruz Ağayev Nərimanov Tibb Mərkəzinin Yanıq Mərkəzinə yerləşdirilsə də, onun həyatını xilas etmək mümkün olmayıb. O, aldığı xəsarətlərdən mərkəzdə dünyasını dəyişib.
