Perinatal Mərkəzdə ilin yekunlarına həsr olunmuş tədbir keçirilib. Sumqayıt24 bu haqda Sumqayıt Tibb Mərkəzinə (STM) istinadən xəbər verir.
Mərkəzin rəhbəri Təranə Rəcəbli müəssisənin cari ildəki fəaliyyətini geniş təhlil edib, qarşıda duran vəzifələri diqqətə çatdırıb. Kollektiv arasında keçirilmiş sorğunun nəticələrinə görə, "İlin həkimi" seçilən Anesteziologiya-reanimatologiya şöbəsinin müdiri Yelmar Süleymanov, Ginekologiya şöbəsinin müdiri Natiq Əliyev və Neonatal reanimasiya və intensiv terapiya şöbəsinin müdiri Yeganə Ağayeva, eləcə də "İlin tibb bacısı" adını qazanan Baş tibb bacısı Qızılgül Cəlladova rəhbərlik tərəfindən təltif edilib.
Həmçinin “Tibb bacısı və mamalığın gücləndirilməsi üzrə Azərbaycan Simpoziumu” çərçivəsində keçirilən təlimdə iştirak edən tibb bacılarının sertifikatları təqdim olunub.
