Sumqayıtda fəaliyyət göstərən Peşə Təhsil Mərkəzinə tələbə qəbulunun I mərhələsinin nəticələri açıqlanıb. Sumqayıt24 bu barədə 22 avqust tarixində Scip.az-a istinadən xəbər verir.
Müsabiqədən keçən şəxslər 27 avqust saat 18:00-a dək aşağıda qeyd olunan sənədləri Peşə Təhsil Mərkəzinə (Kimyaçılar küçəsi, 1) təqdim etməklə qeydiyyatdan keçməlidirlər:
- Attestatın əsli;
- Sağlamlıq və fiziki inkişafı özündə əks etdirən müvafiq formalı tibbi arayış;
- Sistemdən (şəxsi kabinetdə) avtomatik çıxarılan ərizə nümunəsi;
- Şəxsiyyət vəsiqəsinin surəti;
- 3x4 sm ölçüdə 4 ədəd fotoşəkil;
- Hərbi bilet və ya çağırışçı şəhadətnaməsi;
- Güzəştli şərtlərlə qəbul edilən şəxslər üçün müvafiq təsdiqedici sənəd.
Müsabiqədən keçən şəxsin qeydiyyatdan keçməməsi onun həmin ixtisas üzrə təhsil almaqdan imtina etməsi kimi qiymətləndirilir.
Qeyd edək ki, sözügedən mərkəz İqtisadi Zonaların İnkişafı Agentliyinə aiddir.
