Vətən müharibəsi şəhidi Əmrah Bayramovun mövlud günü qeyd edilib. Bu barədə 19 yanvar tarixində Sumqayıt24 xəbər verir.
Xidmət Sahələri üzrə Sumqayıt Dövlət Peşə Təhsil Mərkəzinin müəllimləri, şəhidin qrup və döyüş yoldaşları Əmrah Bayramovun Neftçala rayonunda yaşayan ailəsini və məzarını ziyarət ediblər. Kollektiv şəhidin əziz xatirəsini ehtiramla yad edib, haqqında xatirələrini bölüşüb.
Bayramov ölümündən sonra "Vətən uğrunda", "Cəbrayılın azad olunmasına görə" və "Füzulinin azad olunmasına görə" medalları ilə təltif olunub.
