Xidmət Sahələri üzrə Sumqayıt Dövlət Peşə Təhsil Mərkəzində təlim keçirilib. Bu barədə 22 fevral tarixində Sumqayıt24 xəbər verir.
Təlim Gənclər Fondunun maliyyə dəstəyi ilə Sumqayıt Tələbələri İctimai Birliyi tərəfindən Gənclər Fondunun XVI qrant müsabiqəsi çərçivəsində "Gənc İxtiraçılar Laboratoriyası” layihəsinə həsr olunub.
İştirakçılara gənclər siyasətindən, Gənclər Fondunun və İctimai Birliyin fəaliyyətindən danışılıb, “Gənc İxtiraçılar Laboratoriyası” layihəsinin məqsəd və vəzifələri, gözlənilən nəticələr haqqında məlumat verilib.
Daha sonra beynəlxalq dərəcəli təlimçi Ramil Süleymanov robot texnologiyaları, mühəndislik və kod tədrisi, İKT sahəsində mühəndislik bacarıqları, müasir texnoloji ixtiraçılıq istiqamətində biliklərdən bəhs edib. O, həmçinin gəncləri maraqlandıran sualları cavablandırıb.
Təlimdə tələbələrə əyani tapşırıqlar verilib və sonda sertifikatlar təqdim olunub.
