Sumqayıtda bilik yarışı keçirilib. Sumqayıt24 bu haqda 17 dekabr tarixində Gənclər və İdman Baş İdarəsinə istinadən xəbər verir.
Peşə Təhsil Mərkəzlərinin tələbələri “Nə? Harada? Nə zaman?” formatında mübarizə aparıblar. Yarış Xidmət sahələri, Sənaye və Yüksək Texnologiyalar üzrə Sumqayıt Dövlət Peşə Təhsil və İZİA-nın nəzdində Sumqayıt Peşə Təhsil Mərkəzlərini əhatə edib.
Nəticəyə əsasən, İZİA-nın nəzdində Sumqayıt Peşə Təhsil Mərkəzinin “Tesla” komandası 1-ci, “Winners” kollektivi isə 3-cü yerə çıxıb. Sənaye və Yüksək Texnologiyalar üzrə Sumqayıt Dövlət Peşə Təhsil Mərkəzinin “Gənclər” komandası isə 2-ci olub.
Qaliblərə idarənin fəxri fərman, kubok, medal və xatirə hədiyyələri təqdim edilib.
