Milli Qəhrəman Polad Həşimovun anası Səmayə xanım Astara rayonuna səfər edib. Sumqayıt24 bu haqda bu gün, 30 iyun tarixində Cenublu.az-a istinadən xəbər verir.
Məlumata əsasən, Səmayə xanım igid Pəncəli Teymurovun anası Vahimə xanım ilə görüşüb. Həmçinin Səmayə xanım Aprel döyüşlərinin şəhidi, XTQ-nin əfsanəsi olan Pəncəlinin ev-muzeyini ziyarət edib.
Qeyd edək ki, Pəncəli Teymurov həqiqi hərbi xidmət keçərkən Polad Həşimovun əsgəri olub.
Teymurov Aprel döyüşlərində Talış yüksəkliyinin alınması istiqamətində gedən döyüşlərdə qəhrəmancasına şəhid olub. Ölümündən sonra "İgidliyə görə" və "Vətən uğrunda" medalları ilə təltif olunub.
