Xəbər verdiyimiz kimi, Azərbaycan Prezidenti İlham Əliyev noyabın 7-si hərbi qulluqçuları təltif edib.
Onlar arasında ölümündən sonra "Vətən uğrunda" medalı ilə təltif olunanlar var:
Sumqayit24.az təltif olunan sumqayıtlıları təqdim edir:
1. Seymur Qulamhüseyn oğlu Baxışov – kiçik gizir (ölümündən sonra);
O, 12 iyul 1987-ci ildə Sumqayıt şəhərində hərbçi ailəsində anadan olub.
Azərbaycan Silahlı Qüvvələrinin kiçik giziri idi. 2016-cı ildə Aprel döyüşləri zamanı şəhid olub, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib. Bir oğlu yadigar qalıb.
2. Əbdülməcid Nadirşah oğlu Axundov – əsgər (ölümündən sonra);
15 oktyabr 1993-cü ildə Sumqayıtda anadan olub, 2 aprel 2016-cı ildə Aprel döyüşləri zamanı şəhid olmuş Azərbaycan Silahlı Qüvvələrinin əsgəri idi. O, ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib.
3. Şulan Bayram oğlu Bayramov – əsgər (ölümündən sonra);
O, 28 iyul 1996-cı ildə Sumqayıtda anadan olub və 2016-cı ilin Aprel ayında Azərbaycan-Ermənistan təmas xəttində gedən döyüşlərdə həlak olub. "Hərbi xidmətdə fərqlənməyə görə" III dərəcəli medalı ilə təltif olunub.
4. Murad Vaqif oğlu Məmmədov – əsgər (ölümündən sonra);
1989-cu ildə anadan olub, 2016-cı ilin aprel döyüşləri zamanı qəhrəmancasına şəhid olub və ölümündən sonra "Hərbi xidmətdə fərqlənməyə görə" III dərəcəli medalı ilə təltif edilib. O, Sumqayıt şəhərindən idi və hərbi xidmətini müddətdən artıq hərbi qulluqçu kimi Xüsusi Təyinatlı dəstədə keçib.
