Sumqayıtda folklorşünas, etnoqraf, filologiya elmləri doktoru, professor Aslan Bayramovun 75 illik yubileyi qeyd olunub. Bu haqda DünyaTV-yə istinadən xəbər veririk.
Tədbir AYB-nin Sumqayıt bölməsi və Nizami Gəncəvi adına kitabxana klubu tərəfindən Poeziya Evində keçirilib. Çıxış edənlər yubilyarın yaradıcılığından danışıblar. Aslan Bayramovun yaxınları, iş yoldaşları və qələm dostları onu təbrik ediblər.
Həmçinin kitabxana klubunun əməkdaşları Aslan Bayramovun kitablarından ibarət sərgi təşkil ediblər. Sonda isə ona Fəxri Fərman verilib.
