Sumqayıt şəhərinin 9-cu mikrorayonunda yolu keçən piyadanın həyatını riskə atan sürücü hadisə yerindən qaçıb. Bu haqda bu gün, 1 fevral tarixində Sumqayıt24-ə məlumat daxil olub.
Məlumata əsasən, hadisə “Heydər” parkın yanında baş verib. “VAZ” markalı minik avtomobilinin sürücüsü az qala piyada zolağında yolu keçən piyadaları vuracaqdı. Hadisənin qarşısını almaq məqsədilə o, sükanı çevirərək təhlükəli manevr edib və bu zaman hərəkətdə olan “Mersedes” markalı avtomobilinin qapısını sürtüb. Bundan sonra sürücü dərhal hadisə yerindən uzaqlaşıb.
Ərazidə olan polis əməkdaşları sürücünün arxasınca düşüblər.
