“UPI - Universal Packing İndustry” QSC-nin Qablaşdırma məhsullarının (qofro karton, fayl və s.) istehsalı müəssisəsində son tamamlama aparılır. Sumqayıt24 bu haqda İqtisadi Zonaların İnkişafı Agentliyinə (İZİA) istinadən xəbər verir.
Müəssisənin investisiya dəyəri 4,25 milyon manatdır. İndiyədək işlərə artıq 4,1 milyon manat sərmayə qoyulub və işlərin təqribən 80%-i tamamlanıb. Burada İtaliya və Çin texnologiyaları tətbiq olunacaq, 20 çeşiddə məhsul istehsal ediləcək.
Müəssisədə ilkin mərhələdə 50 nəfər, növbəti mərhələdə isə daha 30 nəfərin işlə təmin olunması nəzərdə tutulub.
Qeyd edək ki, Sumqayıt Kimya Sənaye Parkının rezidenti olan “UPI - Universal Packing İndustry” QSC-nin cari ilin birinci yarısında istifadəyə verilməsi planlaşdırılır.
