QAC Sumqayıt şəhər bölməsinin ofisində görüş keçirilib. Sumqayıt24 bu haqda bölmənin Facebook səhifəsinə istinadən yazır.
Burada ay ərzində aparılan işlər haqqında məlumat verilib, növbəti ay görüləcək işlər müzakirə olunub. Həmçinin bölmənin və bölmə könüllülərinin fəaliyyəti barədə slayd nümayiş olunub. Sonda isə Fövqaladə Mobil Könüllü dəstəsinə yeni komanda lideri Taleh Bədəlov seçilib.
Qeyd edək ki, görüşdə Beynəlxalq Qızıl Xaç Komitəsinin əməkdaşı Turanə Bağırova və Azərbaycan Qızıl Aypara Cəmiyyətinin proqram koordinatoru Nigar Rüstəmzadə iştirak ediblər.
