Avtomobili ilə piyadanı vuraraq hadisə yerindən yayınan sürücü saxlanılıb. Bu barədə 7 dekabr tarixində Daxili İşlər Nazirliyi xəbər yayıb.
Hadisə 5 dekabr saat 23:00 radələrində Sumqayıt şəhəri ərazisində qeydə alınıb. Yolu keçən şəhər sakini Zəminə Mürsəlovanı naməlum avtomobil vurub və o, yerindəcə keçinib.
Baş Dövlət Yol Polisi İdarəsi əməkdaşlarının keçirdikləri əməliyyat nəticəsində qəzanın “Volvo” markalı yük avtomobili ilə törədildiyi müəyyən olunub. Maşının sürücüsü, Masallı rayon sakini Səməd Məlikov tutulub.
Araşdırma aparılır.
