Sumqayıt Qadın Resurs Mərkəzinin koordinatoru şəbəkələşmə tədbirində iştirak edib. Sumqayıt24 bu barədə 30 iyul tarixində “UNDP Azerbaijan”-a istinadən xəbər verir.
Qaxda təşkil olunan görüş 3 gün davam edib. Bir araya gələn Sumqayıt, Masallı, Zaqatala, Xaçmaz, Ağcabədi, Tərtər, Qusar, Sabirabad, Bakı-Xəzər, Füzuli, Cəlilabad, Salyan, Neftçala və Biləsuvardan olan mərkəz koordinatorları ən yaxşı təcrübələr və mövcud çətinliklərdən danışıblar. Kommunikasiyadan tərəfdaşlığa, məlumatların toplanmasından QHT idarəçiliyinə qədər müxtəlif mövzularda təlimlərdə iştirak ediblər.
Şəbəkələşmə tədbiri Ailə, Qadın və Uşaq Problemləri üzrə Dövlət Komitəsi ilə əməkdaşlıq çərçivəsində “USAID/Azerbaijan”, Britaniyanın Azərbaycandakı Səfirliyi, İsveçrə İnkişaf və Əməkdaşlıq Agentliyi və Niderland Səfirliyinin maliyyə dəstəyi ilə təşkil olunub.
