Yenilənib saat 12:20
Sumqayıtda baş verən insidentlə bağlı açıqlama verilib. Bu haqda bu gün, 30 iyun tarixində Daxili İşlər Nazirliyinə istinadən xəbər veririk.
"Sürücü saxlanılmayıb. Bu barədə məlumatlar əsassızdır. Müvafiq ekspertiza təyin edilib, araşdırmalar davam etdirilir. Araşdırma nəticələrindən asılı olaraq, məsələyə hüquqi qiymət veriləcək", - Daxili İşlər Nazirliyinin İctimaiyyətlə əlaqələr şöbəsinin rəisi Elşad Hacıyev bildirib.
Saat 10:05
Sumqayıtda qadına təpik vuran sürücü saxlanılıb. Bu haqda bu gün, 30 iyun tarixində BakuTV-yə istinadən xəbər veririk.
16 iyun tarixində avtobus sürücüsü Adil Kosayev və sərnişin Sənubər Baxışəliyeva arasında mübahisə baş verib. Hadisə zamanı Baxışəliyeva sürücünü təhqir edib, o isə qadına təpik vurub. Qadın avtobusdan yıxılaraq yüngül bədən xəsarətləri alıb.
Faktla bağlı Sumqayıt Şəhər Polis İdarəsinin 4-cü Polis Bölməsində təhqiqat araşdırmaları aparılır.
