Sumqayıtda keçirilən səyyar tibbi aksiya zamanı 31 nəfərə göndəriş verilib. Sumqayıt24 bu haqda 23 iyul tarixində şəhər Tibb Mərkəzinə istinadən xəbər verir.
Aksiya H.Z. Tağıyev, Corat qəsəbələrində və “Stansiya Sumqayıt” yaşayış massivində təşkil olunub. Müraciət edən 2 nəfər xəstəxanaya yatışa göndərilib, 3 nəfərə rentgen, 1 nəfərə uroloq müayinəsi, 10 nəfərə isə müqaviləli tibb müəssisələrinə göz əməliyyatı üçün göndəriş verilib. Daha 15 pasiyentə isə qanın ümumi müayinəsi (laborator) təyin edilib.
Qeyd edək ki, Sumqayıt Tibb Mərkəzinin təşkil etdiyi aksiya zamanı 65 yaş və yuxarı yaş qruplarından olan 200-ə yaxın vətəndaş müayinə olunub.
